കേരളസംസ്ഥാനകാര്‍ഷികയന്ത്രവത്കരണമിഷനും കോഴിക്കോട് ജില്ലയിലെ കുന്ദമംഗലം ബ്ലോക്കുപഞ്ചായത്തും കൃഷിവകുപ്പും സംയുക്തമായി സംഘടിപ്പിക്കുന്ന കാര്‍ഷികയന്ത്രങ്ങളുടെ അറ്റകുറ്റപ്പണിക്ക്യാമ്പ് 2024 ഫെബ്രുവരി 13 വരെ ചാത്തമംഗലം കൃഷിഭവനില്‍ നടക്കുന്നു. ഇരുപതുദിവസം നീണ്ടുനില്‍ക്കുന്ന ക്യാമ്പില്‍ കര്‍ഷകരുടെ കേടുപാടായ എല്ലാ കാര്‍ഷികയന്ത്രങ്ങളും സൗജന്യമായി അറ്റകുറ്റപ്പണി ചെയ്യും. അതേസമയം, ഏതെങ്കിലും സ്പെയര്‍ പാര്‍ട്സുകള്‍ ആവശ്യമായി വന്നാല്‍ ആ തുക കര്‍ഷകരില്‍നിന്ന് ഈടാക്കും. മൊബൈല്‍ അഗ്രോമെഷിനറി റിപ്പയര്‍യൂണിറ്റിന്റെ സേവനവും ലഭ്യമാണ്. വിശദവിവരങ്ങള്‍ക്കായി അതാത് കൃഷിഭവനിലോ 9497009673 എന്ന ഫോണ്‍ നമ്പരിലോ ബന്ധപ്പെടുക.
കാര്‍ഷികയന്ത്രങ്ങളുടെ അറ്റകുറ്റപ്പണി ചെയ്യാം. ക്യാമ്പ് ചാത്തമംഗലത്ത്
