റബ്ബര്‍ബോര്‍ഡിന്‍റെ കീഴിലുള്ള നാഷണല്‍ ഇന്‍സ്റ്റിസ്റ്റ്യൂട്ട് ഫോര്‍ റബ്ബര്‍ ട്രെയിനിങ് (എന്‍.ഐ.ആര്‍.റ്റി.) നടത്തുന്ന ‘പോസ്റ്റ് ഗ്രാജുവേറ്റ് ഡിപ്ലോമ ഇന്‍ റബ്ബര്‍ പ്ലാന്‍റേഷന്‍ മാനേജ്മെന്‍റ്’ കോഴ്സിലേക്ക് അപേക്ഷ ക്ഷണിച്ചു. ഒരു വര്‍ഷം ദൈര്‍ഘ്യമുള്ള ഈ കോഴ്സിലേക്ക് 2023 ഒക്ടോബര്‍ 31 വരെ അപേക്ഷിക്കാം. രണ്ടു സെമസ്റ്ററുകളിലായി നടത്തുന്ന ഈ കോഴ്സില്‍ ആദ്യ ആറുമാസം ക്ലാസ്സുകളും തുടര്‍ന്നുള്ള ആറുമാസം പ്രമുഖ സ്ഥാപനങ്ങളില്‍ ഇന്‍റേണ്‍ഷിപ്പും ആയിരിക്കും. തോട്ടം മേഖലയില്‍ മികച്ച തൊഴില്‍ നേടാന്‍ അവസരം ഒരുക്കുന്ന ഈ കോഴ്സിലേക്ക് അഗ്രിക്കള്‍ച്ചര്‍/ ഹോര്‍ട്ടിക്കള്‍ച്ചര്‍/ബോട്ടണി/ഫോറസ്ട്രി എന്നീ വിഷയങ്ങളില്‍ ബിരുദമുള്ളവര്‍ക്കും കൃഷിയിലോ അനുബന്ധമേഖലകളിലോ കുറഞ്ഞത് മൂന്നുവര്‍ഷം പ്രവൃത്തിപരിചയമുള്ള മറ്റ് ബിരുദധാരികള്‍ക്കും അപേക്ഷിക്കാം. പരമാവധി 20 പേര്‍ക്കാണ് ഈ കോഴ്സില്‍ ചേര്‍ന്ന് പഠിക്കാന്‍ അവസരമുള്ളത്. താല്‍പര്യമുള്ളവര്‍ നാഷണല്‍ ഇന്‍സ്റ്റിറ്റ്യൂട്ട് ഫോര്‍ റബ്ബര്‍ ട്രെയിനിങ്ങിന്‍റെ (എന്‍.ഐ.ആര്‍.റ്റി.) ഓണ്‍ലൈന്‍ പോര്‍ട്ടലില്‍ രജിസ്റ്റര്‍ ചെയ്യേണ്ടതാണ്. വാട്സ്ആപ്പ് – 9447710405, ഇ-മെയില്‍ – training@rubberboard.org.in
‘പോസ്റ്റ് ഗ്രാജുവേറ്റ് ഡിപ്ലോമ ഇന്‍ റബ്ബര്‍ പ്ലാന്‍റേഷന്‍ മാനേജ്മെന്‍റ്’ കോഴ്സിലേക്ക് അപേക്ഷിക്കാം
