സംസ്ഥാനസര്‍ക്കാര്‍ മത്സ്യവകുപ്പ് മുഖാന്തിരം നടപ്പിലാക്കുന്ന ജനകീയ മത്സ്യകൃഷി പദ്ധതിയുടെ ഭാഗമായി 2024-25 സാമ്പത്തിക വര്‍ഷം നടപ്പാക്കുന്ന വിവിധ ഘടകപദ്ധതികളിലേയ്ക്ക് അപേക്ഷ ക്ഷണിച്ചു. അര്‍ധ ഊര്‍ജ്ജിത (തിലാപ്പിയ, ആസാംവാള, വരാല്‍, അനബാസ്, കാര്‍പ്പ്) മത്സ്യകൃഷി, പടുതാകുളങ്ങളിലെ (ആസാംവാള, വരാല്‍, അനബാസ്) മത്സ്യകൃഷി, റീസര്‍ക്കുലേറ്ററി അക്വാകള്‍ച്ചര്‍ സിസ്റ്റം (തിലാപ്പിയ), ബയോഫ്‌ളോക്കിലെ മത്സ്യകൃഷി (തിലാപ്പിയ) എന്നിവയാണ് ഘടകപദ്ധതികള്‍.
അപേക്ഷ ഫോമുകളും കൂടുതല്‍ വിവരങ്ങളും നെടുങ്കണ്ടം മത്സ്യഭവന്‍, തദ്ദേശസ്വയംഭരണ സ്ഥാപനതലത്തില്‍ പ്രവര്‍ത്തിക്കുന്ന അക്വാകള്‍ച്ചര്‍ പ്രൊമോട്ടര്‍മാര്‍ എന്നിവരില്‍ നിന്നും ലഭിക്കും. അപേക്ഷകള്‍ സ്വീകരിക്കുന്ന അവസാന തീയതി 2024 മാര്‍ച്ച് 30.
ഫോൺ – ഇടുക്കി- 04862 233226,
മത്സ്യഭവന്‍ നെടുങ്കണ്ടം- 04868 234505
ജനകീയ മത്സ്യകൃഷി: ഘടക പദ്ധതികളിലേക്ക് അപേക്ഷിക്കാം
