കർഷക സമ്പർക്ക പരിപാടി സംഘടിപ്പിച്ചു

കോട്ടയം, പാമ്പാടി ബ്ലോക്കിന്റെയും കൂരോപ്പട ഗ്രാമപഞ്ചായത്തിന്റെയും   ക്ഷീര വികസനവകുപ്പിന്റെയും  സംയുക്താഭിമുഖ്യത്തിൽ കർഷക സമ്പർക്കപരിപാടി സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് ഷീല ചെറിയാൻ പരിപാടി ഉദ്ഘാടനം ചെയ്തു.  കറവപ്പശുക്കൾക്ക് കാലിത്തീറ്റ പദ്ധതിയുടെ അപേക്ഷാഫോറം വിതരണം, അഗത്തിതൈകളുടെ വിതരണം എന്നിവ നടന്നു. ത്രിതല പഞ്ചായത്തുകളുടെയും ക്ഷീരവികസന വകുപ്പിന്റെയും പദ്ധതികളെക്കുറിച്ച് ഡയറി ഫാം ഇൻസ്ട്രക്ടർ എം. അഖിൽ ദേവ് ക്ലാസെടുത്തു.