മലപ്പുറം ബ്ലോക്ക് പഞ്ചായത്തും കൃഷിവകുപ്പും സംയുക്തമായി സംഘടിപ്പിക്കുന്ന ഹരിതം കിസാൻ മേള 2025 ജനുവരി 30 ന് വൈകിട്ട് 4 മണിക്ക് പി ഉബൈദുള്ള എം എൽ എ ഉദ്ഘാടനം ചെയ്തു. എം എസ് പി കമ്മ്യൂണിറ്റി ഹാളിൽ ഫെബ്രുവരി ഒന്നു വരെ മൂന്നു
ദിവസങ്ങളിലായാണ് കിസാൻ മേള നടക്കുന്നത്. കാർഷികപ്രദർശനം, കാർഷിക സെമിനാറുകൾ, കാർഷിക യന്ത്രങ്ങൾ വാങ്ങുന്നതിനുള്ള എസ് എം എ എം ക്യാമ്പ്, കാർഷിക യന്ത്രങ്ങളുടെ സർവീസ് ക്യാമ്പ്, വിള ആരോഗ്യ ക്ലിനിക്, മണ്ണുപരിശോധനാ ലാബ്, കലാസന്ധ്യ, ഫുഡ് ഫെസ്റ്റ് തുടങ്ങി വിപുലമായ പരിപാടികളാണ് കിസാൻ മേളയോടനുബന്ധിച്ച് ഒരുക്കിയിട്ടുള്ളത്. ഉദ്ഘാടന ചടങ്ങിൽ ജില്ലാ കലക്‌ടർ വി
ആർ വിനോദ് മുഖ്യാതിഥിയായി. പ്രിൻസിപ്പൽ കൃഷി ഓഫീസർ ടി പി അബ്‌ദുൽ മജീദ് മുഖ്യപ്രഭാഷണം നടത്തി. കൃഷിവകുപ്പിലെ വിവിധ ഉദ്യോഗസ്ഥർ, പഞ്ചായത്ത് പ്രതിനിധികൾ തുടങ്ങിയവർ സംബന്ധിച്ചു.