കേരള കര്‍ഷക തൊഴിലാളി ക്ഷേമനിധിയില്‍ അംശാദായം സ്വീകരിക്കുന്നത്തിന് തൃശ്ശൂര്‍ ജില്ലയിലെ വിവിധ തദ്ദേശ സ്വയംഭരണ സ്ഥാപനങ്ങളില്‍ ജില്ലാ എക്‌സിക്യൂട്ടീവ് ഓഫീസറുടെ നേതൃത്വത്തില്‍ അദാലത്ത് നടത്തുന്നു. 2025 ജനുവരി 4 ന് പുന്നയൂര്‍ക്കുളം, 7 ന് പുത്തൂര്‍, 10 ന് പരിയാരം, 14 ന് ചാലക്കുടി, 25 ന് കുന്നംകുളം, ആര്‍ത്താറ്റ്, 28 ന് കടങ്ങോട്ടും അദാലത്ത് നടക്കും. രാവിലെ 10 മുതല്‍ വൈകീട്ട് 3 വരെയാണ് അദാലത്ത് നടക്കുക. മുന്‍വര്‍ഷം അംശാദായം ഓണ്‍ലൈന്‍ മുഖേന അടയ്ക്കാത്ത അംഗങ്ങളുടെ ആധാര്‍ കാര്‍ഡ് നമ്പര്‍, ബാങ്ക് അക്കൗണ്ട് നമ്പര്‍, ഐഎഫ്എസ്‌സി കോഡ്, ഫോണ്‍ നമ്പര്‍, ജനന തീയതി എന്നിവ സിറ്റിംഗിനു വരുമ്പോള്‍ ഹാജരാക്കേണ്ടതാണെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
കേരള കര്‍ഷക തൊഴിലാളി ക്ഷേമനിധി ബോര്‍ഡ് സിറ്റിംഗ് തൃശ്ശൂരിൽ
