മണ്ണിലെ സൂക്ഷ്മജീവികളുടെ വളർച്ച കൂട്ടുന്നതിനായി ഉപയോഗിക്കുന്ന ജൈവക്കൂട്ടാണ് പുളിപ്പിച്ച പിണ്ണാക്ക്. ഇതുപയോഗിക്കുന്നതുവഴി മണ്ണിന്റെ ആരോഗ്യവും ഫലഭൂയിഷ്ടതയും വർദ്ധിപ്പിക്കുന്നു. പുളിപ്പിച്ച പിണ്ണാക്കിനായി 10 ലിറ്റർ വെള്ളത്തില്‍ ഒരു കിലോഗ്രാം കടലപ്പിണ്ണാക്ക് ചേർത്ത് പുളിപ്പിക്കാനായി വയ്ക്കുക. കീടനിയന്ത്രണത്തിനായി ഉപയോഗിക്കണമെങ്കിൽ ഇതിലേക്ക് 1 കിലോഗ്രാം വേപ്പിൻപിണ്ണാക്കുകൂടി ചേർക്കണം.
മിശ്രിതം ഇടയ്ക്കിടക്ക് ഇളക്കി കൊടുക്കണം. 10 ദിവസത്തിന് ശേഷം പുളിപ്പിച്ച ഈ മിശ്രിതത്തില്‍ 100 ലി. വെള്ളം ചേർത്ത് കൃഷിയിടത്തിൽ ഉപയോഗിക്കാം. പുളിപ്പിക്കൽ ത്വരിതപ്പെടുത്തുന്നതിനായി വേണമെങ്കില്‍ അല്പം തൈര് ചേർത്തുകൊടുക്കാവുന്നതാണ്.
പുളിപ്പിച്ച പിണ്ണാക്ക് ഉണ്ടാക്കുന്ന വിധം
