ആടുവസന്ത അഥവാ PPR എന്ന രോഗത്തിനെതിരെ ആടുകൾക്കും, ചെമ്മരിയാടുകൾക്കും പ്രതിരോധ കുത്തിവയ്പ് 2024 ഒക്ടോബര്‍ പകുതിയോടെ സംസ്ഥാനത്തുടനീളം ആരംഭിക്കും. മൃഗസംരക്ഷകേരളത്തിലെ പതിമൂന്നര ലക്ഷത്തോളം വരുന്ന ആടുകള്‍ക്ക് PPR പ്രതിരോധ കുത്തിവയ്പ് നല്‍കുന്നതാണ്. മൃഗസംരക്ഷണ വകുപ്പിലെ വെറ്ററിനറി ഡോക്ടര്‍മാരുടെ മേല്‍നോട്ടത്തില്‍ അസിസ്റ്റന്‍റ് ഫീല്‍ഡ് ഓഫീസേഴ്സ്, ലൈവ്സ്റ്റോക്ക് ഇന്‍സ്പെക്ടേഴ്സ് എന്നിവര്‍ വീടു വീടാന്തരം എത്തി പ്രതിരോധ കുത്തിവയ്പ്പ് നല്‍കുകയും കുത്തിവയ്പ്പിന്‍റെ വിവരങ്ങള്‍ കൃത്യമായി ശേഖരിച്ചു റിപ്പോര്‍ട്ട് ചെയ്യുന്നതുമായിരിക്കും. ഇത് സംബന്ധിച്ച ഡാറ്റാ ശേഖരണം ദേശീയതലത്തിലുളള ഭാരത് പശുധന്‍ പോര്‍ട്ടല്‍ മുഖേനയാണ്. രാജ്യത്തു നിന്നും PPR എന്ന ആടുവസന്ത രോഗവും 2030 ഓടുകൂടി ഇല്ലാതാക്കാനാണ് PPR Eradication Programme കൊണ്ട് കേരള സര്‍ക്കാര്‍ ഉദ്ദേശിക്കുന്നത്. ഈ വാക്സിനേഷൻ തികച്ചും സൗജന്യമായാണ് നല്‍കുന്നത്.
ആടുകൾക്ക് സൗജന്യ വാക്സിനേഷൻ
