കർഷക തൊഴിലാളി ക്ഷേമനിധി അംഗത്വം പുന:സ്ഥാപിക്കാം.

കേരള കർഷക തൊഴിലാളി ക്ഷേമനിധി ബോർഡിലേക്കുള്ള അംശാദായം അടക്കുന്നതിൽ 24 മാസത്തിൽ കൂടുതൽ കുടിശ്ശിക വരുത്തിയതിനാൽ അംഗത്വം നഷ്ടപ്പെട്ട തൊഴിലാളികൾക്ക് കാലപരിധിയില്ലാതെ അംശാദായം കുടിശ്ശിക പിഴ സഹിതം അടച്ച് അംഗത്വം പുന:സ്ഥാപിക്കുന്നതിന്   സർക്കാർ ഉത്തരവായിട്ടുണ്ട്. തൊഴിലാളികൾക്ക് അംശദായ കുടിശ്ശികയും പിഴയും 2023 ഒക്ടോബർ 31 വരെ അതത് ജില്ലാ എക്‌സിക്യുട്ടീവ് ഓഫീസുകളിൽ അടച്ച് അംഗത്വം പുന:സ്ഥാപിക്കാം. കുടിശ്ശിക വരുത്തിയ ഓരോ വർഷത്തിനും 10 രൂപ നിരക്കിൽ പിഴ ഈടാക്കും. ഇതിനകം 60 വയസ് പൂർത്തിയാക്കിയ തൊഴിലാളികൾക്ക് കുടിശ്ശിക അടയ്ക്കുന്നതിനും അംഗത്വം പുന:സ്ഥാപിക്കുന്നതിനും സാധിക്കുന്നതല്ല.  കൂടുതൽ വിവരങ്ങൾക്ക് കർഷക തൊഴിലാളി ക്ഷേമനിധി ബോർഡിന്റെ ജില്ലാ എക്‌സിക്യുട്ടീവ് ഓഫീസുകളുമായി ബന്ധപ്പെടണം.