മൃഗസംരക്ഷണ വകുപ്പിന്റെ ആഭിമുഖ്യത്തിൽ മൃഗസംരക്ഷണ മേഖലയിലെ മികച്ച കർഷകർക്ക് പുരസ്കാരങ്ങൾ നൽകുന്നു. സംസ്ഥാന തലത്തിൽ മികച്ച ക്ഷീരകര്‍ഷകന്‍, മികച്ച വാണിജ്യ ക്ഷീര കര്‍ഷകന്‍, മികച്ച സമ്മിശ്ര കര്‍ഷന്‍ എന്നീ വിഭാഗങ്ങളിലെ കർഷകർക്ക് 1 ലക്ഷം രൂപയുടെ ക്യാഷ് അവാർഡും പ്രശസ്തി പത്രവും ഫലകവും നൽകും. മികച്ച പൗള്‍ട്രി കര്‍ഷകന്‍, മികച്ച കര്‍ഷക/സംരംഭക, മികച്ച യുവകര്‍ഷകന്‍ എന്നീ വിഭാഗങ്ങളിലെ കർഷകർക്ക് 50,000 രൂപയുടെ ക്യാഷ് അവാർഡും പ്രശസ്തി പത്രവും ഫലകവും നൽകുന്നതാണ്. കൂടാതെ ജില്ലാ തലത്തില്‍ മികച്ച ക്ഷീര കർഷകന് 20,000 രൂപയുടെ ക്യാഷ് അവാർഡും, മികച്ച സമ്മിശ്ര കർഷകന് 10,000 രൂപയുടെ ക്യാഷ് അവാർഡും നൽകും. അപേക്ഷാ ഫോമുകൾ എല്ലാ മൃഗാശുപത്രികളിലും ലഭ്യമാണ്.അപേക്ഷകൾ സമർപ്പിക്കേണ്ട അവസാന തീയതി 2025 ഓഗസ്റ്റ് 20, വിശദ വിവരങ്ങൾ മൃഗസംരക്ഷണ വകുപ്പിന്റെ www.ahd.kerala.gov.in എന്ന വെബ്സൈറ്റിലും ലഭ്യമാണ്.
മൃഗസംരക്ഷണ വകുപ്പിന്റെ മികച്ച കർഷക അവാർഡുകൾ – അപേക്ഷ ക്ഷണിച്ചു
