ആസ്പിരേഷണല്‍ ബ്ലോക്ക് പ്രോഗ്രാമിന്റെ ഭാഗമായി കൊല്ലങ്കോട് ഗ്രാമപഞ്ചായത്ത് കൃഷിഭവന്റെ നേതൃത്വത്തില്‍ കൃഷി മഹോത്സവം സംഘടിപ്പിച്ചു. കൊല്ലങ്കോട് ഗ്രാമപഞ്ചായത്ത് പ്രസിഡന്റ് കെ. സത്യപാല്‍ ഉദ്ഘാടനം ചെയ്തു. താഴെ തട്ടിലുള്ള ബ്ലോക്ക് പഞ്ചായത്തുകളെ മുന്‍നിരയിലേക്കെത്തിക്കാന്‍ നിതി ആയോഗും ഗവണ്‍മെന്റ് ഓഫ് ഇന്ത്യയും ചേര്‍ന്ന് സംഘടിപ്പിക്കുന്ന ആസൂത്രിത പരിപാടിയാണ് ആസ്പിരേഷണല്‍ ബ്ലോക്ക് പ്രോഗ്രാം. പരിപാടിയോടനുബന്ധിച്ച് പി.എം കിസാന്‍ ക്യാമ്പയിന്‍ രജിസ്‌ട്രേഷന്‍, ചെറുധാന്യങ്ങളുടെ പ്രദര്‍ശനം, കേരശ്രീ ഉത്പന്നങ്ങളുടെ പ്രദര്‍ശനവും വിപണനവും, കുടുംബശ്രീ ഫുഡ് ഫെസ്റ്റ് എന്നിവ സംഘടിപ്പിച്ചു. പരിപാടിയില്‍ ചെറുധാന്യങ്ങളുടെ പോഷകമൂല്യങ്ങളും കൃഷിയും എന്ന വിഷയത്തില്‍ കൃഷി ഓഫീസര്‍ എം. രാഹുല്‍ രാജ് ക്ലാസെടുത്തു.
കൃഷി മഹോത്സവം സംഘടിപ്പിച്ചു
